थारु संस्कृति जगेर्ना गर्ने उद्देश्यले खोलिएको संस्था (लुज फोरम) सखी सञ्जालले धनगढी-६ को जाली गाउँमा शाखा विस्तार गरेको छ। जालीको वसन्त टोलमा भएको भेलाले रीता चौधरीको अध्यक्षतामा १३ सदस्यीय समिति गठन गरेको छ। जसको उपाध्यक्षमा सविना चौधरी, सचिव सीता चौधरी र कोषाध्यक्ष अनिता चौधरी छन्।
त्यस्तै आजै शान्ति टोलमा भएकोअर्को भेलाले कान्छी चौधरीको अध्यक्षतामा १५ सदस्यीय समिति गठन भयो। जसको उपाध्यक्षमा बसन्ती चौधरी, सचिवमा सरस्वती चौधरी र कोषाध्यक्षमा भावना चौधरी छन्।
आजै पिपलचोक टोलमा भएको भेलाले संगीता चौधरीको अध्यक्षतामा १५ सदस्यीय समिति गठन भयो। जसको उपाध्यक्षमा फूलकुमारी चौधरी, सचिवमा सम्झना चौधरी र कोषाध्यक्षमा जया चौधरी छन्।
सोमबार आयोजना हुने चिरै भजहर मनाउन थारू महिलाहरु निकै उत्साहित भएको सखी सञ्जालकी अध्यक्ष इन्दु चौधरीले बताइन्। गाउँका भल्मन्सा तथा अगुवाहरुको सहयोगमा आयोजित भेलामा सञ्जालकी अध्यक्ष इन्दु चौधरी र सदस्य प्रेमा चौधरीको उपस्थिति थियो।
अध्यक्ष चौधरीले संस्कृति अमूल्य सम्पत्ति रहेकाले यसको संरक्षण र जगेर्ना गर्न सबैलाई आग्रह गरिन्।
यसअघि सञ्जालले धनगढीको जाइ गाउँमा शाखा विस्तार गरिएको थियो।