कमलरी प्रथामा आधारित ‘झुम्की’को पोस्टर सार्वजनिक भएको छ। सोमबार ‘झुम्की’ फिल्मको आधिकारिक फेसबुकबाट पोस्टर सार्वजनिक गरिएको हो। निर्देशक अपिल बिष्टले ‘झुम्की’ फिल्मलाई निर्देशन गरेका हुन्।
उनले यसअघि दासढुंगा र ऋतुमा निर्माण गरिसकेका छन् बनेका छन्। ‘झुम्की’ फिल्ममा रामबाबु गुरुङको कथा, पटकथा र संवाद रहेको छ। लभस्टोरी फिल्म ‘झुम्की’ दाङ जिल्लाकी एक थारु युवतीसँग प्रेम गर्ने एक प्रहरीले भोगेका उतारचढावपूर्ण घटनाको वरिपरि घुमेको कथा हो।
फिल्म आगामी भदौ ९ मा रिलिज हुँदैछ। अपिल फिल्म्स्को ब्यानरमा निर्माण भएको ‘झुम्की’ फिल्म सुटिङ तीन चरणमा सिध्याइएको थियो। संगीतकार कालीप्रसाद बाँस्कोटाले फिल्ममा संगीत दिएका छन्। सिनेमेट्रोग्राफर शैलेन्द्र डी कार्कीले दाङ लमही, नारायणघाट, बुटवल र राजधानी वरपरका दृश्यहरू फिल्ममा उतारेका छन्।
फिल्ममा अभिनेता दयाहाङ राई, मनोज आरसी, रिश्मा गुरुङ, भोलाराज सापकोटा, प्रमोद अग्रहरी, लुनिभा तुलाधर, बसन्त भट्ट, बालमिकी पोखरेल लगायत कलाकारले फिल्ममा अभिनय गरेका छन्।
