थारुलाई सम्बोधन नगरे संविधानसभा छाड्ने गच्छदारको चेतावनी

विजयकुमार गच्छदार, अध्यक्ष, मधेसी जनअधिकार फोरम लोकतान्त्रिक
विजयकुमार गच्छदार, अध्यक्ष, मधेसी जनअधिकार फोरम लोकतान्त्रिक

मधेसी जनअधिकार फोरम लोकतान्त्रिकका अध्यक्ष विजय गच्छदारले थारु, मधेसी र जनजाति समुदायलाई सम्बोधन नगरे संविधानसभा छाड्ने चेतावनी दिएका छन् । संविधानको विधेयकमाथि संविधानसभामा बुधबारदेखि सुरु भएको छलफलमा भाग लिँदै गच्छदारले सात प्रदेशले समाधान नदिने बताए । यो निश्चित सिद्धान्त र मान्यताबाट नआएको भन्दै उनले भने-‘तीन दलका नेताले दुरदर्शी सोच बनाउन सक्नु भएन ।’
आठ प्रदेशले मात्र थारु, मधेसी र जनजातिलाई सम्बोधन गर्न सक्ने उनले बताए । ‘पहाडको जिल्लाहरु पनि हाम्रो शरीरको अंग हो । सात प्रदेशले पहाडलाई सम्बोधन गरेको छ’ उनले भने-तर, मधेसी समुदायको आवाजलाई सम्बोधन गर्न सकेन । थारुहरुले उठाएको मागलाई सम्बोधन गर्न सकेन ।’
फोरम लोकतान्त्रिकका अध्यक्ष गच्छदारले मस्यौदा समितिले ल्याएको संविधानको विधेयक परिर्माजनसहित मात्र पास गर्नु पर्ने बताए । उनले भने, म अन्तिम समयसम्म प्रक्रिया छु । तर, आदिवासी जनजाति, थारु र मधेसीको चित्तबुझ्दो भएन भने मेरो पार्टी र म यो प्रक्रियाबाट बाहिर जान्छु ।’
गच्छदारले कैलालीको टीकापुरमा भएको घटनालाई कसैले राम्रो नमान्ने बताए । तर अहिले थारुहरुको घर जलाइएको भन्दै उनले भने-यस्तो हिंसात्मक प्रवृत्तिलाई रोक्नुपर्छ । तर, राजनीतिक समस्याको समाधान राजनीतिक रुपमा नै खोज्नुपर्छ ।’

अनलाइनखबरबाट

4 thoughts on “थारुलाई सम्बोधन नगरे संविधानसभा छाड्ने गच्छदारको चेतावनी

  1. गच्छदार जी, तपाई के को लोभले संबिधान निर्माण प्रक्रियामा बस्नु भएको छ l यो कांग्रेस-एमाले को पनि हैन यो शुसिल कोइराला र केपी ओली को संबिधान बन्दै छ l तराईको लागि यो संबिधान कुनै पनि हालतमा मान्य हुने छैन l त्यसैले तराईको भबिस्यको चिन्ता छ भने तुरुन्त संबिधान सभा छोड्नु होस् l अनि सबै थारु, मधेश, जनजाती, दलित, मुस्लिम, महिला हित को लागि अखण्ड तराई को घोसना गर्नु होस् l

  2. गbर, तपाई के को लोभले संबिधान निर्माण प्रक्रियामा बस्नु भएको छ l यो कांग्रेस-एमाले को पनि हैन यो शुसिल कोइराला र केपी ओली को संबिधान बन्दै छ l तराईको लागि यो संबिधान कुनै पनि हालतमा मान्य हुने छैन l त्यसैले तराईको भबिस्यको चिन्ता छ भने तुरुन्त संबिधान सभा छोड्नु होस् l अनि सबै थारु, मधेश, जनजाती, दलित, मुस्लिम, महिला हित को लागि अखण्ड तराई को घोसना गर्नु होस् l

Leave a Reply

Your email address will not be published. Required fields are marked *