थरुहट/थारुवान संयुक्त संघर्ष समितिले शीर्ष तीन दलले ल्याएको सात प्रदेशको खाका जलाएको छ। राजधानीको अनामनगरस्थित थारु सभासद्लगायतका नेताहरुको उपस्थितिमा सात प्रदेशको खाका जलाएका हुन्। थारुको मागलाई सम्बोधन नगरेको भन्दै सहभागीहरुले आन्दोलन चर्काउने चेतावनीसमेत दिए। कैलाली-कञ्चपुरलगायतका थरुहट तराईका जिल्लामा आफूखुसी सीमांकन गरेको भन्दै विगत डेढ सातादेखि समितिले तराईका जिल्लामा आन्दोलन आमहड्ताल गर्दै आएको छ।
त्यस्तै समितिले आन्दोलनको कार्यक्रमलाई अगामि १६ गतेसम्म निरन्तरता दिने निर्णय गरेको छ। समितिका संयोजक धनिराम चौधरीद्वारा जारी विज्ञप्तीमा थारुको मागप्रति सरकार संवेदनशिल नरहेको बताउँदै आन्दोलनको कार्यक्रम भदौ १६ गतेसम्म निरन्तरता दिने उल्लेख छ।
यसरी जलाइयो सात प्रदेशको खाका
