एमाओवादी नेतृत्वको ३० दलीय मोर्चाले नयाँ संविधानमा रहेका विवादित विषय बारे साझा धारणा तय गरेको गरेको छ । मोर्चाको आज बसेको बैठकमा मोर्चाको समन्वय समितिले तय गरेको धारणा प्रस्तुत गरिएको थियो । बैठक स्रोतका अनुसार मोर्चाले दस प्रदेशको खाकामा सहमति गरेको छ ।
मोर्चाको यसअघिको बैठकले धारणा बनाउन समन्वय समिति बनाएको थियो । एमाओवादी अध्यक्ष पुष्पकमल दाहाल प्रचण्डको संयोजकत्वको समितिमा कृष्ण बहादुर महरा, हृदयेश त्रिपाठी, जितेन्द्र देव, लक्ष्मणलाल कर्ण, पासाङ शेर्पा र कौशल कुमार सिंह सदस्य छन् ।
उनीहरुले ल्याएको अबधारणामा भोलि छलफल गरेर निष्कर्षमा पुगिने मोर्चाका प्रवक्ता प्रेमबहादुर सिंहले जानकारी दिए । उनले समन्वय समितिको अवधारणाको मूल स्प्रिटमा कसैको विवाद नरहेको तर केही भाषागत समस्याहरु सुल्झाउन सुझाव आएको प्रतिक्रिया दिए । अबधारणाबारे आज ३० वटै दलका नेताहरुले धारणा राखेका थिए ।
के छ अबधारणामा ?
प्रचण्ड नेतृत्वको समन्वय समितिले संविधानका विवादित मूल चार विषय शासकीय स्वरुप, निर्वाचन प्रणाली, न्यायप्रणाली र संघीयताबारे साझा अवधारणा तय गरेको छ ।
निर्वाचन प्रणाली : मिश्रित समानुपातिक निर्वाचन प्रणाली
सासकीय स्वरुप : जनताबाट निर्वाचित राष्ट्रपति र संसदबाट निर्वाचित प्रधानमन्त्री
संघीयता : जातीय पहिचानसहितको १० प्रदेश
प्रस्तावित प्रदेशहरु
१ लिम्बुवान
२ किराँत/खम्बुवान
३ शेर्पा
४ ताम्सालिङ
५ नेवा
६ तमुवान
७ मगरात
८ थरुहट
९ कर्णाली खसान
१० मधेस
न्युजभित्ताबाट साभार