सन्तोष दहित– इल अठ्वार शुकक दिन दाङ देउखरी ओ दांङके थारु अगुवाहुकनसे एकठो कार्यक्रमम भ्याट हुइल। भ्याट हुइटीकी दाङके थारु सस्कृतविद चन्द्र प्रसाद चौधरी महि हाँक पर्ल। सन्तोष भैइया इहोर आओ, आज दउखुरीक मनै फे आइलबाट। टु दाङके एक्ठो थारुन्हक आवाजहिन आवाजह राज्यसम्म पुगैना टुहाँर बराभारि भुमिका बा। थारुन्हक आर्थिक, सामाजिक, राजनीतिक तथा सास्कृतिक विकासह आघ वह्रैनाम टुहाँर उल्लेखिनिय योगदान बा।
अस्ट अस्ट बातम उहा म्वार प्रशंसा कर्टि बटोइटी गैइल। टुहाँर लेख, विचार, गोरक्ष दैनिक, युगवोध दैनिक नागरिक दैनिक लगायत पत्रपत्रिकाम पह्रबेर बहुट खुशिलग्था। उह विचम थप्ल दांङ देउखुरीके थारु बुद्धिजीवि खडग वहादुर चौधरी। मै फे यी भैइयक लेख त बहुट पहरसेक्नु। नागरिक दैनिकके ग्राहक फे हुइटु। टुहार लेख नागरिकम थारुन्हक विषयम बहुट अइथा महिह फे बहुट खुशि लग्था लेकिन टुहिनसे भ्याँट निहुइलरह तर आज चिनजान हुइल बहुट खुशिलागल।
टुहार लिख्ना अभ्यास बहुट मजा बा । यी बात ओरैइटीक दाङके चन्द्रप्रसाद चौधरी महिह कल लेओ भइया यिह व्याला हो आब एक्क जिल्लम काजे थारुन्हक टै टिह्वारम दुविधा बा। एक्क टिह्वार फरक फरक दिन मनैना आज देउखरीके खड्वहादुर फे आइल बाट। यी विषयम छलफल करि ओ अइना वर्षम असिन निहवाए । अनि मै फे हो त कैख थप्देन,ु ओ कनु कहाँसे सुरु करु त मै चन्द्र प्रसाद ओ खडग बहादुरह पुछनु।
दाङके चन्द्र प्रसाद कल सुरु करि थारुन्हक बराभारि टिउह्वार “अट्वारी” मसे। अनि हम्र तीनज शुरु कर्ली मै दुनुजन्हक विच बैठनु ओ उहाहकन अर्जी कर्नु असिन समस्या काजे आइल त। दुनुज आ आपन व्याख्या कर सुरु कर्ल। मै टिपोट कर्टी गैइनु। अस्ट अस्ट थारुन्हक बहुट टै टिह्वार ओ थारुन्हक राजनीति, आर्थिक तथा सामाजिक विषयम कर्या चियाके चुस्किसंग करिब एक घण्टा गम्भीर छलफल हुइल।
ओ निष्कर्ष निकर्ली। पहिला बात त थारु हम्र आपने एक जुट नैहुइटी। थारुन्हक विचम भारि मनमुटाव बा। यीहिन साम्य पारपरल। द्धासर बात थारुन्हक टै टिह्वारह एक रुपता लानकलाग राज्यसे सार्वजनिक विदाके घोषणा करपरल। कौन टिह्वार कत्रा महत्व बा उ विषयमा थारु अगुवा तथा थारु सस्कृतविदहुकनसे राज्यके तरफसे छलफल करपरल।
थारुन्हक आर्थिक तथा राजनीतिक विकास करकलाग थारु नेताहुक्र एकठाँउम थारु नेताहुकन्हक गोलमेच सम्मेलन करपर्ना, थारुन्हक हरेक क्षेत्रम विकास पुगाइकलाग राजनीतिक पार्टीम लागल थारु नेताहुक्र प्रतिवद्धहोक लग्लसे थारुन्हक हरेक क्षेत्रम आघ वह्रसेक्ना सम्भावाना चियागफके वैठल व्याला असिन बातम छलफल हुइल रह।