हृदयघातबाट कोरियामा दीपक कुमार चौधरीको मृत्यु

Deepak kumar chaudharyकाठमाडौं- कोरियामा फोनमा बोल्दाबोल्दै एक नेपालीको मृत्यु भएको छ। रोजगारी गर्न कोरिया पुगेका सुनसरी मधेलि-१ का दीपक कुमार चौधरीको मृत्यु भएको हो । आइतबार करिब ४ बजेतिर कम्पनी होस्टेलमा फोनमा बोलिरहेका बेला असहज भएपछि सँगै रहेका साथीहरुले एम्बुलेन्स र प्रहरी बोलाएका थिए। केहिबेरमै चौधरीको मृत्यु भएको बुटवलका कृष्ण थापाले बताए। चौधरी गत मे १ मा किम्हे औद्योगिक क्षेत्रमा रहेको हान टेक कम्पनीको कामदारको रुपमा कोरिया आएका थिए। मोटर पाट्र्स उत्पादन गर्ने सो कम्पनीमा अरु २ नेपाली कार्यरत छन्।

शव बुसानको अस्पतालमा सोमबार परीक्षण गरिएको छ। प्रहरी र चिकित्सक प्रारम्भिक प्रतिबेदनमा चौधरीको मृत्यु हृदयघातका कारण भएको उल्लेख गरिएको छ। सँगै रहेका साथीहरुले बताए अनुसार उनलाई मृगौला र रक्तचापको समस्या थियो। २४ वर्षीय चौधरी अविवाहित थिए। घटनाको जानकारी परराष्ट्र मन्त्रालयमार्फत् परिवारलाई जानकारी दिइएको सोलस्थित नेपाली दूतावासका श्रम सहचारी अनिलकुमार गुरुङले बताए।

One thought on “हृदयघातबाट कोरियामा दीपक कुमार चौधरीको मृत्यु

Leave a Reply

Your email address will not be published.