नेपाल ललितकला प्रज्ञा प्रतिष्ठान, लोककला विभाग असार १२ गतेसे २६ सम नाफा हल नक्सालमे बृहत चित्रकला प्रदर्शनी कर्ले रहे, जेम्ने थारू चित्रकला अष्टिम्की पहिला फेरा राष्ट्रिय प्रदर्शनीमे सहभागिता जनाइल। डेढ दर्जन थारू चित्रकारलोग अष्टिमकक् अवसरमा बनाजैना अष्टिम्की चित्रकलाके प्रदर्शनी कर्ला। हेकुली–३ रावत गाउँक् सरिता चौधरी ऊ चित्रकलामे उत्कृष्ट हुइली ओ १० हजार नगद ओ प्रमाणपत्र हाँठ पर्ली। अंग्रेजी साहित्यमे त्रिविसे एमए ओरवइटी रलह सरिता वीरेन्द्र उच्च मावि हेकुली दाङमे मस्टन्या बटी। ऊ विगत ८ बरससे नियमित रुपमे ऐसिन चित्र बनैटी बटी। डाडुन्के जागिरे होके घरे नैरहलमे बाबा रामशरण हुँखिन चित्र बनाइक हौस्यइलाँ। सरिता कहठी– यी पुरस्कारले मही अष्टिम्की चित्रकलाबाहेक थारू समुदायसे सम्बन्धित आकुर चित्रकलामे लग्ना थप हौसला मिलल बा।
सरिता चित्र किल नैबनैठी। अष्टिम्कीक् रोज रातभर गीत गैठी ओ डश्यम् सख्या नाचेम पुठ्ठा फेन डुम्कैठी। उहाँक् बाबा रामशरण पछलडंग्या पछला प्रगन्नक् डेशबन्ढ्या गुरुवा रहिन्। बाबा ओरैलिन टे हुँकार घरेम नाचागान घन्कल नैसुन्जाइठ। सरिता कहठी– चित्रकारिता मार्फत् हुइले फेन बाबक् नाउँ उठैना प्रयास करम।