पश्चिम नेपालको कैलाली कञ्चनपुरमा बसोबास रहेको आदिवासी रानाथारुले आज धुमधामका साथ तीज पर्व मनाइरहेका छन् ।
तीज पर्व रानाथारु समुदायको दोस्रो ठूलो पर्व हो । यस समुदायका चेलीले दाजुभाई र भतिजोहरूको सु–स्वास्थ्य र दीर्घायूको कामना गरी आज निराहार ब्रत बसेर पर्व मनाइरहेको धनगढी उपमहानगरपालिका–१३ कैलाली गाउँका स्थानीय मेखराज रानाले बताए ।
यसैबीच, कञ्चनपुरको लालझाँडी गाउँपालिकाले स्थानीय बिदा उपलब्ध गराएको छ । रानाथारुको पर्वमा स्थानीय बिदाको घोषणा भएको सम्भवतः पहिलो बिदा रहेको रानाथारु अगुवाहरू बताउँछन् ।