संघीय सरकारका कृषि, भूमि व्यवस्था तथा सहकारी राज्यमन्त्री रामकुमारी चौधरीले सम्पत्ति विवरण सार्वजनिक गरेकी छन्। विवरणअनुसार उनको नाममा कुनै पनि घरजग्गा नरहेको देखाएको छ। मन्त्री चौधरीले सुन दुई तोला र चाँदी ५५ तोला देखाएको छ।
त्यस्तै दुई लाख बराबरको डिस्कभरी मोटरसाइकल पतिको नाममा, ल्यापटप र दुइटा मोबाइल सेट भाइबाट उपहार पाएको मन्त्री चौधरीले उल्लेख गरेकी छन्।
चौधरीले ५ लाख ऋण रहेको उल्लेख गरेकी छन्। शंकर चौधरीबाट उनले उक्त रकम ऋण लिएको विवरणमा उल्लेख गरेकी छन्।