अखण्ड सुदूरपश्चिम पक्षधरले आह्वान गरेको मोटरसाइकल र्याजलीलाई कैलालीको दुर्गौली गाविस तोरैयापुरमा थरुहट पक्षधरले अवरोध सिर्जना गरेपछि दोहरो झडप भएको छ। प्रहरीले स्थिति नियन्त्रणमा लिन ५ राउण्ड अश्रुग्यास प्रहार गरेको स्थानीयले बताएका छन्।
झडपमा अखण्ड सुदूरपश्चिम पक्षधरका केही घाइते भएका छन् भने एक जना सुरक्षाकर्मीसमेत घाइते भएको बताइएको छ। सो क्षेत्रमा अहिले पनि झडप भैरहेको र स्थिति निकै तनावपूर्ण छ। स्थिति नियन्त्रणमा लिन टिकापुर र धनगढीबाट थप सुरक्षाकर्मी त्यसतर्फ पठाइएको कैलालीका प्रमुख जिल्ला अधिकारी राजकुमार श्रेष्ठले बताए।