विभिन्न दलका थारु सभासदले शनिबार दाहाल र गच्छदारलाई छुट्टाछुट्टै रुपमा भेट गरी सो चेतावनी दिएका हुन। सो अवसरमा सभासदहरुले एमाओवादीलाई आफ्नो अडानबाट पछि नहट्न आग्रह गरेको भेटमा सहभागी सभासद गोपाल दहितले जानकारी दिए । जवाफमा दाहालले आफ्नो अडान यथावत राखेर सहमतिको प्रयास गरिएको बताएका थिए । दाहालले संविधान जारी गर्न सबैले केही न केही त्याग गर्नुपर्ने भन्दै तर त्यसका लागि कसैको पनि अधिकार कुण्ठित नपार्ने आश्वासन दिएका थिए।गच्छदारसँगको भेटमा सभासदले चार दलीय मोर्चा छोडेर आन्दोलनमा आउन आग्रह गरेका थिए । उनीहरुले आन्दोलनमा आए आफूहरुको साथ रहने बताएका थिए । जवाफमा गचछदारले आन्दोलन भन्दा पनि अहिलेको आवश्यकता संविधान बनाउनु रहेको भन्दै सबैको जित हुनेगरी संविधान निर्माण गर्ने काम भइरहेको बताएका थिए ।

विभिन्न दलका थारु सभासद एमाओवादी आफ्नो अडानबाट पछि हटेको सुचना पाएको भन्दै शनिबार विहानै एमाओवादी अध्यक्ष दाहालसँग भेट गरेका थिए।