सरस्वती चौधरीसहित भलिबल खेलाडी अभिनयमा

Sarswati Chaudhary_volly players to acting

नेपाली भलिबलप्रेमीले अब आफ्ना स्टार खेलाडीको अभिनय हेर्न पाउने भएका छन्। ‘आमा’ एल्बमको गीतमा ६ भलिबल खेलाडीको अभिनय छ। राष्ट्रिय टोलीकी उपकप्तान मञ्जु गुरुङ, परिक्षा गुरुङ, सिपोरा गुरुङ, सरस्वती चौधरी, अरुणा शाही र निमा श्रेष्ठले अभिनय गरेका छन्। ‘आमा तिम्रै अंश हुँ म, तिमै ज्यानको टुक्रा हुँ’’ भन्ने गीतको छायांकन अन्तिम चरणमा पुगेको छ।

गीतकार सरस्वती गुरुङले लेखेको गीतले जातीय, धार्मिक, सहिष्णुता र संस्कृति जर्गेनाको सन्देश दिन खोजेको छ। जातीय द्वन्द्व बढेको बेला सबै नेपाली एक हुन् र सबैको फरक पहिचान छ भन्ने देखाउन यो गीतको छायांकन गरिएको हो। ४ लाख खर्च गरेर ७३ जना महिलालाई यस गीतमा अभिनय गरेका छन्।

आमाको र जन्मभुमिको सम्मानमा गीत लेखिए पनि यस्ले कामकाजी महिलालाई समेत भिडियोमा समेटेको छ । फरकपन दिनका लागि गीतमा विभिन्न क्षेत्रका महिलाको अभिनय राखिएको भिडियोकी परिकल्पनाकार सिपोरा गुरुङले बताइन्। उनले भनिन्, ‘मेरो यो कन्सेप्ट फरक र महत्वकांक्षी पक्कै थियो। तर निर्देशक र गीतकारले बुझेकाले सम्भव भयो।’

पोखराको सौन्दर्य, जातीय भेषभुषा र एकताले फरकपन ल्याएको र यस्ले पोखरालाई नै संस्कृति र पर्यटनमा फरकपन थप्ने निर्देशक कृष्णकुमार गुरुङले बताए। उनले भने, ‘मैले निर्देशन गरेको अन्य गीत र फिल्म भन्दा यो फरक छ।’

रिमा गुरुङको स्वर तथा जय परियारको संगीत रहेको एल्बममा एल्बममा १० वटा गीत छन्।

रंगशाला डटकमबाट साभार

One thought on “सरस्वती चौधरीसहित भलिबल खेलाडी अभिनयमा

Leave a Reply

Your email address will not be published. Required fields are marked *