काठमाडौं- थारु ओ नेपाली गजल बिधामे विशेष योगदान पुगैलकमे रापती समाज काठमाडौ गोरखापत्र थारु भाषाके पृष्ठ संयोजक कृष्णराज सर्वहारीहे एक विशेष कार्यक्रमके साथ सम्मान कर्ले बा। रसियन कल्चर सेन्टरमे भदौ १३ गते हुइल कार्यक्रममे वरिष्ठ गजलकार ज्ञानुवाकर पौडेल सर्वहारीहेसम्मान पत्र सहित दोसल्ला ओह्राके सम्मान कर्ला। उहाँ बाहेर रहल ओर्से उहाँक् छाई बुनु चौधरी थारु सम्मान ग्रहणके प्रतिनिधित्व कर्ली। उपन्यास, हाँस्यब्यंग्य, लोककथा, बाल कविता, बालकथा, हाइकु, मुक्तक लगायत बिधामे थारु भाषम् पैल्हा फेरा संग्रह निक्रुइया सर्वहारीक् गजल भर फुटकर रुपमे किल आइल बटिन।
मोतिराम भट्टके १४८ औ जन्मजयन्तीके अवसरमे कैगैल रापती समाजके ऊ कार्यक्रममे राष्ट्रिय गजल गायन प्रतियोगिता फेन कैगैल रहे। समाजके अध्यक्ष एकराज आचार्यके सभापतित्वमे हुइल कार्यक्रमके संयोजन समाजके महासचिव शशि शर्मा मजगैया कर्ले रहिट।
- कृष्णराज सर्वहारी