सन्तोष दहित, दाङ- थारु समाजम गाजैना वर्किमार गीत शिक्षाके भण्डार हो कैख वट्वारख्ल थारु सस्कृतविद अशोक थारु। गैल अठ्वार शुकदिन्वा थारु पत्रकार संघ दाङके आयोजनाम हुइलक वर्किमार विषयक कचेहरी कार्यक्रम असिन वात वटोइलक हुइट। कार्यक्रमके वर्का पहुना समेत रलक थारु पाछक समयम ठर्‍या पुस्ताहुक्र यीहन ग्रहण कर निसेक्लक कटि चिन्ता व्यक्त कैरख्लह। उहाँकल वर्किमारह ठर्‍या पुस्ताहुक्र बुझ्ना प्रयास समेत निकर्लक गुनासो कर्ल। महभारत मूल कथाम सम्याटल वर्किमारम पाँच पाण्डव वनवासम भोग्लक पीडा कौरवपक्षके ज्यादति ओ उहम रहल मेरमेह्रीक साँस्कृतिक पक्षके उल्लेख कैगिलक उहाँ चर्चा कर्ल। वर्किमारम मानवअधिकार, अन्तराष्ट्रिय कानुन, मौलिक अधिकारको पनि समेतिएको छ।
मेरमेहि्रक १२ अध्यायम रचना कैगिलक वर्किमारम थारु भाषाके आपन मौलिक शब्द वेलसल पागैलक उल्लेख कर्टि कल थारु उ शब्द सस्कार, सस्कृति ओ उहमसे पाजैना शिक्षाके गह्रण कर निसेक्लसे थारु भाषाम व्वालबर फे अरबर हुइसेक्ना वटोइल।
ओस्टक कार्यक्रमके द्धासर वरपहुना नेपाल पत्रकार महासंघ दाङ शाखाके अध्यक्ष केएल पीडित थारु समाजके भाषा, सस्कृति जगेर्ना करलाग फे वर्किमार गीतह वचाइ पर्ना बातम जोडदेरख्लह। उहाँकल थारुन्ह वहुट मेह्रीक गीतवाज बा उ गीतवाजह संरक्षण ओ प्रवद्धन करसेक्ना हो कलसे थारुनहक इतिहास वनसेक्ना उहा वत्वारख्लह। कार्यक्रम नविस्रोत केन्द्र दाङके जिल्ला कार्यक्रम संयोज शालिक राम चौधरी आपन सस्थासे थारु समाजके सस्कृति संरक्षण ओ प्रवद्धनके लाग कार्यक्रम सञ्चालन कर्टि अइलक जानकारी देरख्लह। चौधरीके अनुसार दाङके १४ गाविस ओे १ ठो नगरपालिकाम यी कार्यक्रम सञ्चालन कर्टिरलक वटोइटी मटाँवाहुकनह क्षमता विकास कर्ना, पुरान पुरान गीतवाजके प्रतियोगिता कार्यक्रम, थारु सस्कृतिके डकुमेन्ट्री वनैना, आइ.एल. ओ १६९के जानकारी करैना लगातयके परियोजना रलक कार्यक्रमम जानकारी करारख्लह।
थारु पत्रकार संघ दाङके अध्यक्ष सन्तोष दहितके अध्यक्षताम हुइलक कार्यक्रमम नमुना थारु ग्रामके अध्यक्ष वेझुलाल चौधरी, थारु कल्याणकारी सभाके केन्द्रिय सदस्य मेटमणी चौधरी, थारु पत्रकार संघके कानुनी सल्लाहकार रामशरण चौधरी, सल्लाहार लक्ष्मिन चौधरी, प्रेस चौतारी दाङके अध्यक्ष दुर्गालाल केसी, पत्रकार जेएन जिएम, रिता लामा, देविका जिएम, माधव चौधरी लगायत आ आपन बात धैरख्लह। संघ सदस्य एव तुलसीपुर क्षेत्रके संयोजक लालु चौधरीके स्वागत मन्व्यसे सुरुहुइलक कचेहरी कार्यक्रमके सहजीकरण संघके सचिव सुनिता चौधरी कैरख्लही।