असार १२ गतेदेखि तीनसम्म बेपत्ता भएकी कैलाली गौरीगंगा नगरपालिका ११ का जहरी कटानकी २१ वर्षीया माया विकको १५ गते नगरपालिका चपरथली सामुदायक बनमा शव फेला पर्यो । सोही दिन विकको आफन्तले बलात्कार गरेर हत्या भएको आशंकामा जिल्ला प्रहरी कार्यालय कैलालीमा मुद्दा दर्ता गरेका थिए ।
जिल्ला प्रहरी कार्यालय कैलालीले विकको घटनामा संलग्न पाँच जना व्यक्तिलाई अनुसन्धानका लागि पक्राउ गरी जिल्ला प्रहरी कार्यालयमा ल्याएको थियो । पक्राउ पर्नेमा गौरीगंगा नपा ११ शिवपुरका ३० वर्षीय गाणेश बडुवाल, २७ वर्षीय मनोज बेगटी, २१ वर्षीय सुरज चौधरी, २० वर्षीय भुवन खाती र १९ १९ वर्षीय तपेन्द्र बोगटी रहेका थिए ।
उनीहरुको बयानअनुसार मायालाई गणेश बडुवाल मुख्य योजनाकार रहेको जिल्ला प्रहरी कार्यालय कैलालीले पत्रकार सम्मेलन गरी जानकारी दिएको छ ।
विकलाई उसकै कपडाले हात खुट्टा बाँधेर चार जनाले सामूहिक बलात्कार गरेको बयान दिइएको प्रहरी उपरीक्षक विनोद घिमिरेले जानकारी दिए । विकलाई बलात्कार गर्नेबेला मुखभरि कागज कोचिएको कारण उनलाई साँस फेर्ना गाह्रो भएको बयान खुलेको घिमिरेले बताए ।
बलात्कार गर्ने चौथो व्यक्तिले सेक्स गर्नेबेला मायाले प्राण त्यागेको बलात्कारीहले स्वीकारेको घिमिरेले बताए ।
गौरींगगा नगरपालिकाअन्तर्गत वडा कार्यालयमा तथ्यांक सर्वेक्षणमा करारमा कार्यरत माया तथ्यांक संकलनका लागि भनेर घरबाट निस्केकी थिइन् । उनीसँगै काम गर्ने बडुवालले ८ गते नै मायालाई सेक्सेको लागि प्रस्ताव राखेको थियो तर माया अस्वीकार गरेपछि बलात्कार गर्ने योजना बनाएको बयानमा खेलेको एसपी घिमिरेले पत्रकार सम्मेलनमा जानकारी दिए ।