सन्तोष दहित, दाङ- यीह मंसिर ४ गतेके संविधान सभाके चुनावम तराईके बाइस जिल्लाम मेरमेह्रीक पार्टिमसे ३ सय ५४ जन थारुहुक्र प्रत्यक्ष्यम उठल रलह। पूर्व झापासे पच्छिउ कञ्चनपुरसम्मके २२ जिल्लाम थारु नेताहुक्र आ–आपन पार्टिमसे उम्मेदवारी देलरलह। ३ सय ५४ मध्य १८ थारु नेताहुक्र विजयी हुइल बाट। दाङमसे २, बर्दियामसे २, कैलालीमसे ३, नवलपरासीमसे १, बारामसे १, पर्सामसे २, सर्लाहीमसे १, सिराहमसे १, सप्तरीमसे ३, सुनसरीमसे १ ओ मोरङमे १ ज जितलबाट। कलसे बाँके, कञ्चनपुर, चितवन, रौटहट, महोत्तरी, धनुषा, झापा कपिलबस्तु, रुपेन्देही ओ सुर्खेत लगायत जिल्लमसे भर कौन पार्टिक थारु नै जित्ल अर्थात यी ११ जिल्लाम सुन्य हुइल बा।
नेपाली काँग्रेसमसे ६, एमालेमसे ५, एमाओवादीमसे ४, मधेशी जनअधिकार फोरमसे ३ थारु नेताहुक्र प्रतिस्प्रर्धा कैख आपन जित सुनिश्चित कर्लक हुइट। नेपाली काँग्रेस दांङ क्षेत्र नं. २ के पार्वती डिसी चौधरी ८ हजार ७ सय १९ मत आन्क आपन विजयी सुनिश्चित कर्ली। कलसे उहाँक निकटम प्रतिद्धनदी नेकपा एमालेके रेवतिरमण शर्मा ७ हजार ७५ मत प्राप्त कैल रलह। ओस्टक दाङ क्षेत्र नं. २ मसे नेपाली कांग्रेसके सुशीला चौधरी १० हजार ४ सय ३० मत आन्क विजयीहुइली। उहाक निकटम प्रतिद्धन्दी एमाओवादीके होमबहादुर पुन ‘रोहित’ ८ हजार ५ सय ९० मत प्राप्त कैल रलह। ओस्टक सर्लाही क्षेत्र नं २ मसे नेपाली कांग्रेसके रामचन्द चौधरी ७ हजार ६ सय ४ मत आन्क विजयी हुइलबाट। उहाक निकटम प्रतिद्धन्दी नेकपा एमालेके सुरेन्द्र लामा ६ हजार ३ सय ५९ मत प्राप्त कैल रलह। सिराह क्षेत्र नं. १ म नेपाली काँग्रेसके पद्यम नारायण चौधरी १२ हजार ९ सय ८३ मत आन्क विजयी हुइल बाट। उहाँक निकटम प्रतिद्धन्दी एमाओवादीके मुनि साहसुडी ८ हजार २ सय ७७ मत प्राप्त कैल रलह। सप्तरी क्षेत्र नं. ५ मसे नेपाली काँग्रेसके तेजुलाल चौधरी ७ हजार ९ सय ५९ मत आन्क विजयी हुइल बाट कलसे उहाक निकटम प्रतिद्धन्दी नेकपा एमालेके गोविन्दबहादुर न्यौपाने ७ हजार ६ सय ६३ मत प्राप्त कर्ल। मोरङ क्षेत्र नं. ३ मसे नेपाली काँग्रेसके दिलिप खवास गच्छदार १२ हजार ९ सय ८४ मत आन्क विजयी हुइलबाट। उहाँक निकटम प्रतिद्धन्दी एमालेके गुरुप्रसाद बराल १२ हजार ६ सय ७४ मत प्राप्त कर्ल।
ओस्टक नेकपा एमाले नवलपरासी क्षेत्र नं. १ मसे बैजनाथ चौधरी १० हजार ७ सय ५० मत आन्क विजयी हुइलबाट। उहाँक निकटम प्रतिद्धन्दी नेपाली काँग्रेसके देवराज कडेल ७ हजार ५ सय ५० मत प्राप्त कर्ल। पर्सा क्षेत्र ४ मसे कांग्रेसके सुरेन्द्र चौधरी विजयी हुइलबाट। पर्सा क्षेत्र नं. ५ मसे एमालेके जयप्रकास थारु १० हजार ४ सय ५० मत आन्क विजयी हुइलबाट। उहाँका निकटम प्रतिद्धन्दी नेपाली काँग्रेसके रमेश रिजाल ९ हजार ३ सय ६ मत प्राप्त कर्ल। बारा क्षेत्र नं. ५ मसे एमालेके बलबिर चौधरी १५ हजार ८ सय मत आन्क विजयी हुइलबाट। उहाँक निकटम प्रतिद्धन्दी नेपाली काँग्रेसके उमाकान्त चौधरी १० हजार ७ सय ७९ मत प्राप्त कर्ल। सप्तरी जिल्ला क्षेत्र नं. ४ मसे नेकपा एमालेके ताराकान्त चौधरी ८ हजार २ सय १७ मत आन्क विजयी हुइलबाट। उहाँक निकटम प्रतिद्धन्दी नेपाली काँग्रेसके दिनेश कुमार यादव ६ हजार ९ सय ८५ मत प्राप्त कर्ल। उदयपुर जिल्ला क्षेत्र नं. २ मसे एमालेके मञ्जु चौधरी ७ हजार ५ सय ३४ मत आन्क विजय हुइल बाट। उहाँक निकटम प्रतिद्धन्दी नेपाली काँग्रेसके प्रमिला राई ७ हजार ५ सय ११ मत प्राप्त कर्ल।
ओसहक एमाओवादीके कैलाली क्षेत्र नं. ४ मसे गौरी शंकर चौधरी ११ हजार ९ सय ६८ मत आन्क विजयी हुइलबाट। उहाँक निकटम प्रतिद्धन्दी नेपाली काँग्रेसके खेमराज डगौरा थारु ८ हजार ६ सय १० मत प्राप्त कर्ल। बर्दिया क्षेत्र नं. ३ मसे एमाओवादीके शन्त कुमार थारु १४ हजार ३ सय ५ मत आन्क विजयी हुइलबाट। उहाँक निकटम प्रतिद्धन्दी नेपाली काँग्रेसके मालती सोडारी १० हजार १ सय ८४ मत प्राप्त कर्ल। ओस्टक उहा जिल्ला क्षेत्र नं. ४ मसे एमाओवादीके मानबहादुर थारु १४ हजार ५ सय ७४ मत आन्क विजयी हुइलबाट। उहाँक प्रतिद्धन्दी नेपाली काँग्रेसके किशोर रठौरा १३ हजार ७ सय ८९ मत प्राप्त कर्ल। सप्तरी जिल्ला क्षेत्र नं. १ मसे एमाओवादीके मानपुर चौधरी ९ हजार ८ सय ४४ मत आन्क विजयी हुइलबाट। उहाँक निकटम प्रतिद्धन्दी एमालेके सुमन प्याकुरल ८ हजार २ सय ४२ मत प्राप्त कर्ल।
ओस्टक मधेशी जनअधिकार फोरम (लोकतान्त्रीक) के सुनसरी क्षेत्र नं. ३ मसे विजय कुमार गच्छदार १७ हजार ५ सय २४ मत आन्क विजयी हुइलबाट । उहाँक निकटम प्रतिद्धन्दी नेकपा एमालेके भगवति चौधरी १७ हजार १ सय ६२ मत प्राप्त कर्ल। ओसहक कैलाली जिल्ला क्षेत्र नं. १ मसे मधेशी जनअधिकार फोरम (लोकतान्त्रीक) के जनकराज चौधरी ११ हजार २ सय ९४ मत आन्क विजयी हुइलबाट। उहाँक निकटम प्रतिद्धन्दी नेपाली काँग्रेसके रणवहादुर रावल ९ हजार १ सय ४० मत प्राप्त कर्ल। उह जिल्ला क्षेत्र नं. ३ मसे मधेशी जनअधिकार फोरम (लोकतान्त्रीक) के रामजनम चौधरी ११ हजार २७ मत आन्क विजयी हुइलबाट। उहाँक निकटम प्रतिद्धन्दी नेपाली काँग्रेसके नारायाण मिश्र ९ हजार ७ सय ४७ मत प्राप्त कैख द्धासर बन्लकलसे त्यासरमा थरुहट तराई पार्टी नेपालके केन्द्रिय अध्यक्ष भानुराम डगौंरा थारु ७ हजार ९ सय ७० मत आन्क त्यासरम अइल।
थरुहट आन्दोलनके अगुवा लक्ष्मण थारु चौथो स्थानम
०६२/६३ के ऐतिहासिसक आन्दोलन पाछ तराईके जिल्लाम बराभारि थरुहट आन्दोलन हुइल रह। महिनौ दिनसम्म एक मधेस एक प्रदेशके विरोधम महिनौ दिनसम्म थारुन्हक बाहुल्यता रहल जिल्लाम थरुहट आन्दोलन उठल रह। उह आन्दोलनके अगुवाइ लक्ष्मण थारु कैल रलह। आम्हिनसम थरुहट आन्दोलनके अगुवा के कलसे लक्ष्मण थारु सक्कुज चिन्हा कर्ठ। ओत्रा व्याला सायद प्रचण्ड, माधव नेपाल, सुशिल कोइलासे फे व्यापक चर्चाम आइल रलह। पाछ उहा मधेशी जनअधिकार फोरम (लोकतान्त्रीक) म प्रवेश करल पाछ एका एक चर्चाम आइछोरल। थारु यीह मसिंर ४ गेतके संविधान सभाके चुनावके लाग कैलाली जिल्ला क्षेत्र नं. ६ मसे प्रत्यक्ष्म उम्मेदवारी देल रलह। तर उहा उ चुनावम चौथौ स्थानम अइल। उक्षेत्र म नेपाली काँग्रेसके वरिष्ठ नेता शेरवहादर देउवा १६ हजार ४ सय ८९ मत आन्क विजयी हुइल। नेकपा एमालेके महेश्वर पाठक ८ हजार ५ सय ६३ मत आन्क द्धासर, एमाओवादीके लिला कुमारी भण्डारी ४ हजार ७ सय ६४ मत आन्क त्यासर अइली कलसे मधेशी जनअधिकार फोरम (लोकतान्त्रीक) के लक्ष्मण थारु ४ हजार ४ सय ७३ मत आन्क चौथो स्थानम अइल।