काठमाडौं- खेलाडीद्वय सरस्वती चौधरी र ममता चौधरी रामलाल-गायत्री थारु कम्युनिटी’ अवार्डबाट सम्मानित भएका छन्। थारु कम्युनिटी नामक फेसबुक पेजले पाँचौं वार्षिकोत्सवको अवसरमा आयोजना गरेको कार्यक्रममा भलिबलकी सरस्वती र क्रिकेटकी ममता चौधरीलाई सो अवार्डबाट सम्मान गरेको हो। दुवै खेलाडीलाई नेपाली कांग्रेसका सभासद् तेजुलाल चौधैरी र स्वयं रामलाल चौधरीले नगद र प्रमाणपत्र प्रदान गरे।
रामलाल चौधरीले एक लाख पचास हजारको अक्ष्यकोष स्थापना गरेर वर्षेनि प्रदान गर्ने ‘रामलाल-गायत्री थारु कम्युनिटी’ अवार्ड स्थापना गरेका छन्। थारु समुदायका ब्यक्तिले राष्ट्रियस्तरमा दिएको योगदानलाई कदर गर्दै यो सम्मान प्रदान गर्ने थारु कम्युनिटीका विवेक चौधरीले बताए। पुरस्कारको राशि ९ हजार ९ सय ९९ रहेको छ।
थारु समुदायका हानहार ब्यक्तिलाई सम्मान गर्ने उद्देश्यले यो अवार्डको स्थापना गरेको रामलाल चौधरीले बताए। उनी थारु समाजसेवीका रुपमा चिनिन्छन्। पर्यटन बोर्डमा आयोजित कार्यक्रममा थारु सभासद्हरुको उपस्थिति थियो।
तस्बिर : आयोजक थारु कम्युनिटी