सन्तोष दहित– दाङ- कौनो समय रह, जौन व्याला थारु समुदायके जन्नी मनैनके आधा शरीर उज्जर गरगहनाले छ्वापल रहट। ओत्रा व्याल थारु जातिक जन्नी मनै नाकम स्वानक नथ्या ओ घाँटीभर चाँदीक गरगहना ओस्टक शरिरभर मेरमेह्रीक गरगहना लगाइठ। ओस्टक ग्वारम ठिउहुनसम मेरमेहि्रक चित्रले छ्यादल देख्ख जे फे थारु जन्नी केख चिन्हट।  आजकाल थारु जातिक जन्नी मनै न त छ्यादल देख पर्थ न त  गरगहना लगैठ जौन कारणल आज परम्परागतसे लगैइटी अइलक थारु जातिन्हक मेरमेहि्रक गहना हेरैइटी जाइटा।
ओत्राव्याला थारु जातिक जन्नी मनै मंगिया, नथिया, फुलि, टर्या , सुटिया, हैकल, छैकल, कर्धन, अगेला, पछेला, बाजु, बहुट्टा, बिछिया पैसक आठी, गतैया , बिचकानी, कारा, घडा, छडा, पैरी, टिकमाला, कंगना, सलोनी, गुडिया, कटिया, चन्दहार, ठोसिया, झिमिलिया हार, टर्ना, पोरिया, लेर्र्की, कानबाली, घुंघुरु, असर्फी माला, औठी, ढलना, ठुमरी, कुन्डिल, लेर्की, लखौटीकक चुर्याा जसिन गर गहना लगैइटी अइलक वटोइठी घोराही नगरपालिका २ गुलरियाके गुडासी चौधरी। उहाँकठि यी सक्कु गरगहना प्राय चाँदी, स्वान, मोटी, लखौटी, सिल्पट धातुके गहना रह कुछ गहन करारके फे रलक वटोइठी। और समुदायसे ध्यार गहना थारु जातिक मनै लगैटीअइलक अनुभव सुनैठी चौधरी।  ओत्रा व्याला थारु जातिक मनै घर जसिन अवस्था रलसे फे गरगहनाभर अनिवार्य रुपम लगैना चलन रलक चौधरी वटोइठी।
पहिलाके थारु जातिक जन्नी मनै ओ आजकालिक थारु जन्नी मनैम धेर परिवर्तन अइलक चौधरी वटोइठी। आजकालिहक जन्नी मनै घाँटीमा ट का हाँतम चुरा समेत लगाइ छोरदल। चौधरीकली पश्चिके सस्कृतिम लाख्क गरगहना त का आपन लुगाफाटा लगाइ छोरक जीन्स पाइन्ट  लगाइभिरलक चौधरी वटोइली। जौन कारणले परम्परागत थारु जातिन्ह्क गरहगना हेरैइटी गइलक चौधरीके कह्वाइ वाटन।
थारु जातिके जन्नी मनैन्हक पहिचान झल्कैना हो कलसे स•भर गरगहना लगाइ निसेक्लसे फे विशेष कार्यक्रमम भर लगाइपर्ना बातवटोइठी चौधरी। यी व्याला परम्परागतसे थारु जातिन्हक जन्याओ मनै लगैटी अइलक गरगहनाक संरक्षण करसेक्ना हो कलसे लौव पुस्ताहुकन्हक लाग इतिहास वनसेक्ना हुइलक ओंरसे फे यी गहना वचाइ पर्ना आबक आबश्यक्ता देखपर्था चौधरीके कहाइवाटन। चौधरीकठी  स्याकसम्म परम्पारगत गहनाह एक  ठाउम जुटाक  संग्रहालय जसिन वनैना हो कलसे थारु जातिन्हक पहिचान झल्कैना सजिलो हुइना रह चौधरीके कहाइवाटन।
ओस्टक तुलसीपुर नगरपालिका ६ डुम्री गाँउके शारदा चौधरी फे थारु जातिक जन्नी मनै परम्परागतसे लगैइटी अइलक गरगहना स•भर लगाइ निसेक्लसे फे विशेष कार्यक्रमम लगाख सहभागि हुइना ओ कलसे थारु जातिन्हक फरक पहिचान झल्क सेक्ना चौधरी वटोइठी। लाल विलाज, उज्जर गोन्या, घाँटीभर चाँदीक माला, नाकम बराभारी स्वानक नथ्या,  हाँतभर लखौटी चुर्याल, कपारम लाल झोवन्ना, लगाक कौन कार्यक्रमम उपस्थिति हुइलसे फरक पहिचान देखपर्ठा। अत्रा महत्व ओ सग्घरम झल्कन थारु पहिरनके लुगाफाटा, गरगहनाके ध्यार महत्व रलक चौधरी वटोइठी। आजकाहिक जमानम सक्कुज आ–आपन भेषभुषा ओ गरगहनाम ध्यान दिहपर्ना जरुरी रलक चौधरीके कहाइवाटन। यी व्याला आपन सस्कृतिके संरक्षष ओ आपन भेषभुष गरगहनाके  जगेर्ना करसेक्ना हो कलसे काल जातिय पहिचान भल्कैनाम वहुट सहयोग पुगैना चौधरी वटोइली। उहरर्से याकर प्रचार प्रसार  फे करपर्ना चौधरीके कहाइवाटन। तर आजकालिहक टर्नाटर्नीहुक्र आपन भेषभुषा लगैना लाज मन्ठ। उहा कलि आपन पुर्खन्हक दिहल सस्कृतिम लाज मन्ना कुछ जरुरी निहो। आव यी व्यला टर्नाटर्नीहुक्र यी विषयम ध्यान निदेना हो कलसे काल पस्टैनासे और कुछ उपाय नैलागि। उंहरसे यी विषयम  टर्ना वगालहुक्र विशेष ध्यान दिह पर्ना बा।